Հարգելի սիրող աստղագետներ,
Հայկական աստղագիտական ընկերությունը (ՀԱԸ) շարունակում է Հայաստանի սիրող աստղագետների հավաքագրումը:
Աստղագիտությունն այն եզակի գիտություններից է, որը գրավում է շատերին` անկախ տարիքից ու մասնագիտությունից: Պրոֆեսիոնալ աստղագիտությունը Հայաստանում բավականին զարգացած է և համակարգված, սակայն սիրող աստղագետները համախմբված չեն, ինչը խոչընդոտում է Հայաստանում սիրողական աստղագիտության զարգացմանը:
Նախաձեռնության հիմնական նպատակն է Հայաստանում աստղագիտության զարգացումն ու տարածումը, ինչպես նաև հանրության հետ համագործակցությունը բոլոր հնարավոր եղանակներով, տարածելով աստղագիտությունը հանրության մեջ և մշակույթում, զարգացնելով աստղագիտական կրթությունը, հանրամատչելի աստղագիտությունը, Բյուրականի աստղադիտարանում գիտական տուրիզմը, գիտական լրագրությունը և այլն: Հայաստանի սիրող աստղագետների ընկերությունը (ՀՍԱԸ) պատրաստ է աջակցել Ձեզ իրականություն դարձնել Ձեր բոլոր մտահաղացումներն ու առաջարկներն` ուղղված նշված նպատակներին:
Սիրող աստղագետների համար պարբերաբար կազմակերպվելու են տարբեր ուսուցողական և գործնական միջոցառումներ, այդ թվում` դիտումներ: Մանրամասներին դուք կտեղեկանաք շուտով:
Առցանց գրանցման ձև