Մամուլի հաղորդագրություն,
13.06.2012թ.
Սեպտեմբերի 15-23-ին Բյուրականի
աստղադիտարանում
տեղի կունենա
երիտասարդ
աստղագետների
միջազգային
դպրոց, որը բյուրականյան
ամառային
դպրոցների
շարքում արդեն 4-րդն
է: Այս անգամ
դպրոցն անցկացվում
է Անանիա Շիրակացու
1400-ամյակին նվիրված
միջոցառումների
շրջանակներում:
Դպրոցը կազմակերպվում
է ՀՀ ԳԱԱ Բյուրականի
աստղադիտարանի
(ԲԱ) և Հայկական
աստղագիտական
ընկերության
/ՀԱԸ/ կողմից:
Դասախոսների
թվում հրավիրված
են այնպիսի
նշանավոր
աստղագետներ,
ինչպիսիք
են Միջազգային
աստղագիտական
միության
նախագահ Ռոբերտ Ուիլյամսը
(ԱՄՆ), հնդիկ
նշանավոր
տիեզերաբան
Ջայանթ Նարլիկարը,
ԱՄՆ Կոռնելի
համալսարանի
պրոֆեսորներ
Երվանդ Թերզյանը
և Ռիչարդ Լովելասը, Վիկտոր Համբարձումյանի
անվան միջազգային
մրցանակի
առաջին հաղթող Գարիկ Իսրայելյանը
(Իսպանիա)
և այլոք, ինչպես նաև ԲԱ աստղագետներ:
Դպրոցին կմասնակցեն
Հայաստանի,
Մերձավոր
Արևելքի, Եվրոպայի
և ԱՊՀ երկրների
մոտ 30 ուսանողներ:
Դասախոսվող
և քննարկվող
թեմաներն
են լինելու
ցամաքային
և տիեզերական
աստղադիտակները
և դիտողական
տեխնիկան,
համակարգիչները
և տվյալների
մշակման համակարգերը
աստղագիտության
մեջ, աստղագիտական
կատալոգները,
շրջահայությունները,
տվյալների
շտեմարանները
և Վիրտուալ
աստղադիտարանները,
զանազան եղանակներով
մոլորակների,
աստղերի, միջամածությունների
և գալակտիկաների
ուսումնասիրությունները,
պատմա-աստղագիտությունը
և աստղագիտական
ժառանգությունը:
Դասախոսություններից
բացի մասնակիցների
համար կկազմակերպվեն
գործնական
պարապմունքներ,
դիտումներ
և դրանց արդյունքների
մշակում, ծանոթություն
ԲԱ աշխատանքներին
և շրջագայություններ
Հայաստանում:
Դպրոցի մասնակիցները
հնարավորություն
կունենան
նաև մասնակցելու
Վիկտոր Համաբարձումյանի
միջազգային
մրցանակի
հանձնման
սեպտեմբերի
18-ին կայանալիք
արարողությանը
և «Աստղագիտական ժառանգությունը
ազգային մշակույթում» թեմայով սեպտեմբերի
25-28-ին կայանալիք
միջազգային
պատմա-աստղագիտական
գիտաժողովին,
որը նվիրված
կլինի ինչպես Շիրակացու
աստղագիտական
ժառանգությանը,
այնպես էլ Հայաստանում
աստղագիտական
արժեք ներկայացնող
նյութական
և ոչ նյութական
հուշարձանների
ուսումնասիրությանը:
Հիշեցնենք, որ բյուրականյան
միջազգային
ամառային
դպրոցների
շարքը սկսվել է
2006թ. և անցկացվում
է երկու տարին մեկ
անգամ: Նախորդ դպրոցներին
(2006, 2008, 2010 թթ.) մասնակցել
են 21 երկրների
100-ից ավելի
ուսանողներ:
Դասախոսների
թվում են եղել
այնպիսի նշանավոր գիտնականներ,
ինչպիսիք
են Դանիել
Վիդմանը
և Ռոբերտ Ուիլյամսը
(ԱՄՆ), Դանիել
Կունտը, Միշել Դենեֆելդը
և Գարի Մամոնը (Ֆրանսիա), Դիտեր Էնգելսը
և Լուտց Վիսոցկին (Գերմանիա), Մասիմո Տուրատոն (Իտալիա) , Ժան-Պիեր
դե Գրեվը
(Բելգիա) և այլոք, թվով
ընդամենը՝
26 արտասահմանյան
աստղագետներ:
Հայկական աստղագիտական
ընկերություն