Մամուլի հաղորդագրություն, 09.10.2014թ.

 

 

Լույս տեսավ Անանիա Շիրակացու 1400-ամյակին նվիրված գիտաժողովի 
նյութերի ժողովածուն

 

13.jpg

 

ՀՀ Գիտությունների ազգային ակադեմիան (ՀՀ ԳԱԱ) և ՀՀ ԳԱԱ Բյուրականի աստղադիտարանը Հայագիտական ուսումնասիրությունները ֆինանսավորող համահայկական հիմնադրամի աջակցությամբ հրատարակել են միջնադարի հայ խոշորագույն գիտնական Անանիա Շիրակացու ծննդյան 1400-ամյակին նվիրված պատմա-աստղագիտական գիտաժողովի նյութերի ժողովածուն (խմբագիրներ՝ ՀԱ Հարությունյան, ԱՄ Միքայելյան և ԷՍ Պարսամյան, Երևան, Էդիթ Փրինթ, 2014թ, 220 էջ): Գիտաժողովը կայացավ 2012թ սեպտեմբերի 25-26-ին, այն կոչվում էր Աստղագիտական ժառանգությունն ազգային մշակույթում և միաժամանակ հանդիսանում էր Հայկական աստղագիտական ընկերության XI տարեկան համաժողովը։ 
Ժողովածուն բաղկացած է 3 հիմնական բաժնից. Աստղագիտական ժառանգություն, Անանիա Շիրակացի և Ժամանակակից աստղագիտություն, ինչպես նաև ներառված են Անանիա Շիրակացու վերաբերյալ գրականություն և այլ նյութեր: Ժողովածուն կարող է հետաքրքրել աստղագետներին, պատմաբաններին, հնագետներին, լեզվաբաններին, ուսանողներին և այլ ընթերցողների:

Ժողովածուի շնորհանդեսը տեղի կունենա հոկտեմբերի 10-ին, Բյուրականի աստղադիտարանում ընթացող Աստղագիտության կապն այլ գիտությունների, մշակույթի և հասարակության հետ գիտաժողովի փակման արարողության ժամանակ։ Ներկաներին կտրվի գրքի մեկական օրինակ։

 

Հայկական աստղագիտական ընկերություն