Մամուլի հաղորդագրություն, 20.10.2014թ.

 

ՀՈԿՏԵՄԲԵՐԻ 19-ԻՆ ՄԵԿՆԱՐԿԵՑ ԱՌԱՋԻՆ ԲՅՈՒՐԱԿԱՆՅԱՆ ԳԻՏԱՃԱՄԲԱՐԸ

 

https://scontent-a-mxp.xx.fbcdn.net/hphotos-xpa1/v/t1.0-9/10653281_783631685030802_2339166907907257658_n.jpg?oh=cdafee5bd5dfb039461b4b76092f0ad2&oe=555F6123https://scontent-a-mxp.xx.fbcdn.net/hphotos-xaf1/v/t1.0-9/p180x540/1507040_783632275030743_8529303630304492359_n.jpg?oh=27c0c8a9f4bdd98fd2b5bfac977b6a54&oe=55515B21

Հոկտեմբերի 19-ին Բյուրականի աստղադիտարանում տեղի ունեցավ առաջին Բյուրականյան գիտաճամբարի բացումը։ Գիտաճամբարին մասնակցում են 12-15 տարեկան 27 շնորհալի պատանիներ Հայաստանից և սփյուռքից։ Կազմակերպիչներն են ՀՀ ԳԱԱ Բյուրականի աստղադիտարանը (ԲԱ), Հայկական աստղագիտական ընկերությունը (ՀԱԸ), ՀՀ Կրթության և գիտության նախարարությունը և ՀՀ Սփյուռքի նախարարությունը։ Ծրագրի իրականացմանը աջակցում է Հայ օգնության ֆոնդը (ՀՕՖ) և Վ. Համբարձումյանի հետնորդները կրթական բարեգործական հիմնադրամը: Ծրագրում նախատեսվում է հանդիպում հայտնի աստղագետների հետ, աստղագիտական հանրամատչելի ինտերակտիվ դասախոսություններ, զրույց աստղագիտության և առասպելաբանության կապի մասին, անգլերենի լեզվի և մշակույթի պարապմունքներ, գիտական ֆիլմերի դիտումներ պրոֆեսիոնալ աստղագետների մեկնաբանությամբ, ինտելեկտուալ խաղեր, այցելություն աստղադիտարանի խոշորագույն 2.6մ դիտակ, այցելություն Վիկտոր Համբարձումյանի տուն-թանգարան, գիշերային դիտումներ փոքր աստղադիտակներով, Օրիոնիդների ասուպային հոսքի դիտում հոկտեմբերի 21-22 գիշերը, սիրողական աստղադիտակի պատրաստում, էքսկուրսիաներ Ամբերդ, Տեղերի վանք, Օշական, արշավներ Բյուրականի շրջակայքում, մարզական խաղեր և մրցույթներ, ֆիլմի նկարահանում և համերգ մասնակիցների կողմից և այլն։

Գիտաճամբարի համացանցային կայք էջն է՝http://www.aras.am/camp/index.html

 

Հայկական աստղագիտական ընկերություն