Մամուլի հաղորդագրություն, 25.11.2014

«ՊԱՏՎԱԽՆԴՐՈՒԹՅՈՒՆ» ՇԱՐԺԱՆԿԱՐԸ` ՀԱՅԵՐԵՆ ՏԵՔՍՏՈՎ

Վերջերս լույս տեսած «Պատվախնդրություն» գիտաֆանտաստիկ ֆիլմն այժմ առկա է YouTube-ում: Շարժանկարը Եվրոպական տիեզերական գործակալության (ԵՏԳ, ESA) «Ռոզետա» տիեզերանավի մասին է, որը հավակնում է գիտական ֆանտաստիկան վերածել գիտական փաստի: Այն նկարահանվել է Իսլանդիայում Platige Image կինոստուդիայի և ԵՏԳ համագործակցությամբ ռեժիսոր Տոմեկ Բագինսկիի կողմից, դերասաններ Էյդան Գիլլենի և Էյսլինգ Ֆրանչիոզիի մասնակցությամբ: Ֆիլմը ցուցադրվել 2014թ. հոկտեմբերի 24-ին Լոնդոնում` Բրիտանական ֆիլմերի ինստիտուտի կողմից գիտաֆանտաստիկ ֆիլմերի փառատոնի ընթացքում, «Սարսափի և զարմանքի» օրերին:
Ֆիլմը մատչելի է եվրոպական 15 լեզուներով և հայերեն ենթատիտրերով: Հայերեն տեքստի թարգմանիչն է Սոնա Ֆարմանյանը: Մեկ ամսվա ընթացքում ֆիլմը 1 միլիոնից ավելի դիտում է հավաքել:

«Պատվախնդրություն» ֆիլմը հասանելի է հետևյալ հղումով`https://www.youtube.com/watch?v=H08tGjXNHO4

Լրացուցիչ տեղեկատվություն հետևյալ հղումով`
http://www.esa.int/…/Rosetta_the_ambition_to_turn_science_f…

Հայկական աստղագիտական ընկերություն