Մամուլի հաղորդագրություն #421, 02.03.2015թ.

 

ՄԱՐՏԻ 4-ԻՆ ՏԵՂԻ ԿՈՒՆԵՆԱ ՎԵՆԵՐԱՅԻ ԵՎ ՈՒՐԱՆԻ ՄԻԱՑՈՒՄԸ

 

 

Մարտի 4-ին տեղի կունենա գրավիչ երկնային երևույթ` մոլորակների միացում, երբ երկու մոլորակ դիտվում է երկնքի մի հատվածում` իրար շատ մոտ: Այս անգամ իրար մոտ կդիտվեն Վեներան և Ուրանը։ Իհարկե, իրականում Վեներան և Ուրանը հսկայական հեռավորության վրա են միմյանցից: Պարզապես նրանք դիտվում են նույն տեսագծի ուղղությամբ: Իրականում Վեներան Երկրից հեռու է միջինում 39 միլիոն կմ կամ 0.2 աստղագիտական միավոր (1 ա.մ.` Երկիր-Արեգակ հեռավորությունը, հավասար է մոտ 150 միլիոն կմ), իսկ Ուրանը` մոտ 19.2 ա.մ.: 
Ցանկալի է միացումը դիտել բարձր վայրերից, օրինակ քաղաքում` բարձր հարկերից: Ուրանը տեսնելու համար պետք կգա փոքր աստղադիտակ կամ հեռադիտակ, քանի որ այն բավական թույլ է պայծառ Մերկուրիի կողքին և անզեն աչքով չի երևում: 

Մոլորակների միացումներ կոչվում են երկնքում երկու կամ ավելի մոլորակների իրար մոտ դիտվելը, որպես կանոն` մի քանի աստիճան անկյունային հեռավորության սահմաններում: Երկու մոլորակների միացումներ շատ հաճախ են տեղի ունենում, օրինակ 1 աստիճանի սահմաններում` որպես կանոն տարեկան 5-6 անգամ (իսկ ավելի հեռու միացումներ` շատ ավելի հաճախակի): Առավել հազվագյուտ են 3 մոլորակների միացումները (եռակի միացումներ):

 

Հայկական աստղագիտական ընկերություն