Մամուլի հաղորդագրություն, #500, 31.12.2015թ.

2016թ. ԱՍՏՂԱԳԻՏԱԿԱՆ ԻՐԱԴԱՐՁՈՒԹՅՈՒՆՆԵՐԻ ՕՐԱՑՈՒՅՑ

Հայկական աստղագիտական ընկերության (ՀԱԸ) համացանցային կայք-էջի «Իրադարձությունների օրացույց» բաժնում (Calendar of Events) այժմ արդեն հասանելի է 2016 թվականի օրացույցը, որտեղ ներկայացված են այս պահին հայտնի 2016թ. բոլոր կարևոր աստղագիտական իրադարձություններն, այդ թվում ինչպես երկնային երևույթները, այնպես էլ միջազգային և հայկական աստղագիտության մեջ նախատեսվող միջոցառումները: Առաջին խմբում ընդգրկված են Արեգակի և Լուսնի խավարումները, բոլոր հիմնական (թվով 20) ասուպային հոսքերը, Լուսնի փուլերը, «գերլուսինները», մոլորակների դիմակայությունները, միացումները և ծածկումները Լուսնի կողմից: Երկրորդ խմբի իրադարձությունների մեջ են Բյուրականի աստղադիտարանի և ՀԱԸ կարևորագույն գործերը, միջազգային և տեղական գիտաժողովները, խորհրդակցությունները, ամառային դպրոցներն ու աստղագիտական օլիմպիադաները, հայ և օտարազգի նշանավոր աստղագետների տարեդարձները: Մասնավորապես, տեղի կունենա 7 ՄԱՄ համագումարներ, իսկ հուլիսին Աթենքում, Հունաստանում տեղի կունենա Եվրոպական աստղագիտական ընկերության համագումարը:

Կայքէջի հասցեն է http://www.aras.am/Calendar/2016/all2016.htm ։

Հայկական աստղագիտական ընկերություն