Մամուլի հաղորդագրություն #521, 19.07.2016թ.

 

ԿՄԵԿՆԱՐԿԻ ԵՐՐՈՐԴ ԲՅՈՒՐԱԿԱՆՅԱՆ ԳԻՏԱՃԱՄԲԱՐԸ

 

https://scontent-lhr3-1.xx.fbcdn.net/v/t1.0-9/13659074_1128075910586376_6834185167659052876_n.jpg?oh=543ce83d622f4bcb045721c005668c59&oe=57E87F75

 

Օգոստոսի 22-27-ին Բյուրականի աստղադիտարանում տեղի կունենա երրորդ Բյուրականյան գիտաճամբարը։ Գիտաճամբարին կարող են մասնակցել 12-15 տարեկան շնորհալի դպրոցականներ Հայաստանից և սփյուռքից։ Կազմակերպիչներն են Հայկական աստղագիտական ընկերությունը (ՀԱԸ) և Հարավարևմտյան և կենտրոնական Ասիայի Աստղագիտության զարգացման տարածաշրջանային գրասենյակը։ Գիտաճամաբրի կազմկոմիտեի նախգահն է Արեգ Միքայելյանը, իսկ գիտաճամբարը կհամակարգի Սոնա Ֆարմանյանը։ Ծրագրի իրականացմանն աջակցում է Հայ օգնության ֆոնդը (ՀՕՖ):

Ծրագրում նախատեսվում է հանդիպում հայտնի աստղագետների հետ, աստղագիտական հանրամատչելի ինտերակտիվ դասախոսություններ, զրույց աստղագիտության և առասպելաբանության կապի մասին, գիտական ֆիլմերի դիտումներ պրոֆեսիոնալ աստղագետների մեկնաբանությամբ, ինտելեկտուալ խաղեր, այցելություն աստղադիտարանի խոշորագույն 2.6մ դիտակ, այցելություն Վիկտոր Համբարձումյանի տուն-թանգարան, գիշերային դիտումներ փոքր աստղադիտակներով, մոլորակների եռակի միացման դիտում, սիրողական աստղադիտակի պատրաստում, էքսկուրսիաներ Ամբերդ, Տեղերի վանք, Օշական, արշավներ Բյուրականի շրջակայքում, մարզական խաղեր և մրցույթներ, ֆիլմի նկարահանում, համերգ մասնակիցների կողմից և այլն։

 

Գիտաճամբարի համացանցային կայք էջն է՝ http://www.aras.am/camp/2016/index.html 

 

 

Հայկական աստղագիտական ընկերություն